Uşaqlarda Qəbizlik
Qəbizlik nədir?
-
Uşağın defekasiyasının tezliyi yaşına uyğun normadan aşağı olması
-
Defekasiya zamanı gücənmə, yaxud bayıra çıxmaq üçün işlədici preparatların qəbulu
-
Bağırsağın natamam boşalma hissi,
-
Quru, bərk nəcisin xaric olunması.
Qəbizliyin səbəbləri:
-
Nəcisi tutmaq.
-
Uşağınız müxtəlif səbəblərdən ana südü əvəzedicisini istəməyə bilər.
-
Uşağınız getməməyə çalışa bilər, çünki sərt nəcisə getmək ağrı verir.
-
2 ildən 5 yaşa qədər olan uşaqlar hər şeyi özləri qərar verə biləcəklərini göstərmək istəyə bilərlər. Nəcislərini tutmaq onların nəzarəti ələ keçirmə yolu ola bilər. Buna görə uşaqları tualet təliminə məcbur etməmək daha yaxşıdır.
-
Bəzən uşaqlar tualetə getmək üçün oyunu dayandırmaq istəmirlər.
-
Uşaqlar ictimai tualetdən istifadə etməkdən qorxa və ya xoşlanmaya bilərlər.
-
-
Xəstəlik. Qəbizlik bəzi dərmanların yan təsiri ola bilər.
-
Rasion. Uşağınızın kifayət qədər lif və ya maye qəbul etməməsi qəbizliyə səbəb olur.
-
Digər dəyişikliklər. Səyahət, isti hava və ya stresli vəziyyətlər kimi hər hansı dəyişiklik uşağınızın ümumi sağlamlığına və bağırsaqlarının işləməsinə təsir edə bilər.
Uşaqlarda Qəbizlik necə müalicə olunur?
Müalicə uşağınızın yaşına və problemin nə qədər pis olduğuna əsaslanır.
-
Rasionda lifli meyvə-tərəvəzlərin (qara gavalı, əncir, alma, mandarin, apelsin, kələm, yerkökü, köbələk, çuğundur, pomidor, xiyar və s.) bol olması.
-
Qəbul olunan mayenin miqdarının artırılması. Gün ərzində qəbul olunan suyun miqdarı uşağın yaşından asılı olaraq 1,1-2 litr təşkil etməlidir.
-
Bir sıra ərzaqların və meyvələrin rasiondan çıxarılması (əzgil, nar, heyva, zoğal, un məmulatları, düyü və s.)
-
Fiziki aktivliyin artırılması.
Uşağıma nə qədər lif lazımdır?
Qəbizliyi olan uşaqlarda normal lif qəbulu tövsiyə olunur. Aşağıdakılar faydalı strategiyalar ola bilər:
-
5 yeyin! Əgər uşağınız yaxşı lif mənbəyi olan digər qidalarla birlikdə hər gün ən azı 5 porsiya meyvə və tərəvəz yeyirsə, lif qramını saymağa ehtiyac yoxdur.
-
5 əlavə et! Uşağınızın yaşına 5 əlavə edin. Məsələn, 5 yaşlı bir uşağın hər gün təxminən 10 qram lifə ehtiyacı olacaq.